Niderland – Görev Gazetesi https://gorevgazetesi.com Sat, 02 Sep 2023 19:59:54 +0000 tr hourly 1 https://gorevgazetesi.com/wp-content/uploads/2025/03/cropped-gorev-gazetesi-32x32.webp Niderland – Görev Gazetesi https://gorevgazetesi.com 32 32 Niderlanddakı icmamız Haaqa şəhərində Ermənistanın hərbi və ekoloji təxribatlarına etiraz edib https://gorevgazetesi.com/niderlanddaki-icmamiz-haaqa-s%c9%99h%c9%99rind%c9%99-erm%c9%99nistanin-h%c9%99rbi-v%c9%99-ekoloji-t%c9%99xribatlarina-etiraz-edib-h49256.html Sat, 02 Sep 2023 19:59:54 +0000 https://1453kralmedya.com/niderlanddaki-icmamiz-haaqa-s%c9%99h%c9%99rind%c9%99-erm%c9%99nistanin-h%c9%99rbi-v%c9%99-ekoloji-t%c9%99xribatlarina-etiraz-edib-h49256.html

 

 

 

 

 

 

Niderlanddakı icmamız Haaqa şəhərində Ermənistanın hərbi və ekoloji təxribatlarına etiraz edib

 

, 2023

Niderlanddakı icmamız Haaqa şəhərində Ermənistanın hərbi və ekoloji təxribatlarına etiraz edib

 

 

 

Niderland Krallığında fəaliyyət göstərən Azərbaycan icmasının fəal üzvləri Haaqa Ədalət Sarayının önündə dinc aksiyası keçirib.

 

 

 

 

Niderland-Belçika Azərbaycanlıları Koordinasiya Şurasının dəstəyi və “Ana Vətən” Avropa Azərbaycanlı Qadınlar Birliyinin təşkilatçılığı ilə baş tutan aksiya ölkəmizə qarşı 30 il ərzində qəsbkar və təcavüzkar siyasət yürütmüş Ermənistanın dünya ictimaiyyətini yenidən siyasi, hərbi və informasiya yönümlü manipulyasiya kampaniyası üçün alətə çevirmək və Azərbaycanın Qarabağ bölgəsində təxribatlar törətmək cəhdlərinə etiraz məqsədilə gerçəkləşdirilib.

 

 

 

 

Aksiya zamanı Azərbaycanın və Türkiyənin bayraqları dalğalandırılıb, musiqiçilərimizin ifasında ölkəmizin Qarabağ bölgəsinə həsr olunmuş muğam parçalaları və mahnılar səsləndirilib.

 

 

 

 

Niderland ictimaiyyətinin diqqəti “Azərbaycan sülh istəyir, Ermənistan müharibə istəyir”, “Ermənistan sülhü rədd edir, müharibəni seçir”, “Ermənistan, sülh sazişini imzala!”, “Ermənistan faktları təhrif edir, dünya ictimaiyyətini aldadır”, “Azərbaycan torpaqlarında Ermənistan əsgəri olmamalıdır!”, “Ermənistan, hücumu dayandır!”, “Ermənistan, bizim torpaqlarımızın minalandırılmasını dayandır!”, “Ermənilərin minaları dinc sakinləri öldürür!”, “Ermənistan minaları = müharibə cinayətləri!”, “Azərbaycan ərazilərində ekoloji terrorun törədilməsinə son qoyulsun!”, “Ermənistan İrəvandakı Azərbaycan mədəni irsini məhv edir”, “Azərbaycanın təbii sərvətlərinin talanına son qoyulsun!”, “Ətraf mühitə düzəldilməsi mümkün olmayan ziyanın vurulmasına son qoyulsun!” və sair şüarların əks olunduğu plakatlara cəlb edilib.

Aksiya iştirakçıları beynəlxalq ictimaiyyətdən Azərbaycanın Qarabağ bölgəsində Ermənistanın hərbi və ekoloji terroruna son qoyulmasını, Azərbaycan vətəndaşlarının Qarabağda təhlükəsizliyinin və insan hüquqlarının təmin edilməsini, Azərbaycan dövlətinin sülh səylərinin dəstəklənməsini tələb ediblər.

 

Aksiya icma üzvlərinin birlikdə “Qarabağ Azərbaycandır!” şüarını səsləndirməsi ilə yekunlaşıb.

 

 

 

 

Qeyd edək ki, aksiya zamanı Haaqa sakinlərinə Ermənistanın hərbi və ekoloji cinayətlərini əks etdirən bukletlər paylanılıb. Bukletlərdə Azərbaycan ərazilərində basdırılmış minaların insan həyatını təhdid etdiyi, 2020-ci il müharibəsindən bəri Azərbaycanda mina qurbanlarının sayının 303 nəfərə çatdığı, rəsmi İrəvanın dəqiq mina xəritələrini təhvil verməkdən imtinasının insan hüquqlarını kobudcasına pozduğu, erməni KİV-lərinin azərbaycanlılara qarşı pis rəftarla bağlı pərakəndə sübutlar yaymasının III Cenevrə konvensiyasına zidd olduğu, bir neçə azərbaycanlı əsgərin girov götürülərkən fiziki, mənəvi işgəncələrə və təhqirlərə məruz qaldığı, Azərbaycanın Qarabağ bölgəsində qızıl və mis-molibden yataqlarının qeyri-qanuni istismar edildiyi, 60 min hektardan çox meşə sahəsinin darmadağın edildiyi, çaylarımızın çirkləndirildiyi və sair faktlar nəzərə çatdırılıb.

FOTO QALEREYA

 

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/niderlanddaki-icmamiz-haaqa-seherinde-ermenistanin-herbi-ve-ekoloji-texribatlarina-etiraz-edib-3417

 

 

 

 

]]> Niderland-Azərbaycan “Odlar Yurdu” Cəmiyyəti beynəlxalq ictimaiyyətə müraciət edib https://gorevgazetesi.com/niderland-az%c9%99rbaycan-odlar-yurdu-c%c9%99miyy%c9%99ti-beyn%c9%99lxalq-ictimaiyy%c9%99t%c9%99-muraci%c9%99t-edib-h48798.html Wed, 23 Aug 2023 10:41:05 +0000 https://1453kralmedya.com/niderland-az%c9%99rbaycan-odlar-yurdu-c%c9%99miyy%c9%99ti-beyn%c9%99lxalq-ictimaiyy%c9%99t%c9%99-muraci%c9%99t-edib-h48798.html

 

 

 

 

Niderland-Azərbaycan “Odlar Yurdu” Cəmiyyəti beynəlxalq ictimaiyyətə müraciət edib

 

, 2023

 

 

 

Niderland Krallığında fəaliyyət göstərən Niderland-Azərbaycan “Odlar Yurdu” Cəmiyyəti ölkəmizin sülh səylərinin dərk edilməsi və dəstəklənməsi ilə bağlı bəyanatla çıxış edib

 

 

 

 

Niderland-Azərbaycan “Odlar Yurdu” Cəmiyyəti beynəlxalq ictimaiyyətə müraciət edib
Cəmiyyətin adından Birləşmiş Millətlər Təşkilatının Cenevrədəki nümayəndəliyinə ünvanlanan bəyanatda bildirilib ki, Azərbaycan əsilli niderlandlılar Ermənistanda mövcud olan revanşist əhval-ruhiyyəli qüvvələrin və erməni diasporunun yolverilməz əməlləri nəticəsində Cənubi Qafqaz regionunda yaranmış mövcud vəziyyətdən dərin narahatlıq hissi keçirirlər.

 

 

 

 

Bəyanatda 30 il ərzində Ermənistanın işğalçı siyasəti nəticəsində Azərbaycanın Qarabağ bölgəsinin xarabalığa çevrildiyinə və 2020-ci ildə baş vermiş müharibədən sonrakı aktual problemlərin həll olunmadığına diqqət cəlb edilib. Ermənistan silahlı qüvvələri tərəfindən döşənmiş minalar nəticəsində indiyədək 300-dən çox günahsız Azərbaycan mülki vətəndaşının və hərbi qulluqçusunun həlak olduğu və yaralandığı, regional əməkdaşlığa sadiqliyini qonşu Gürcüstanın timsalında sübut edən Azərbaycanın beynəlxalq hüquqa uyğun olaraq öz ərazilərində, o cümlədən nəqliyyat-kommunikasiya yolları üzərində suverenliyini qorumağa çalışdığı, Xankəndi-Laçın yolunun açıq olduğu kimi faktlar bir daha yada salınıb.

 

 

 

 

“Odlar Yurdu” Cəmiyyəti beynəlxalq təşkilatları bu kritik və önəmli mərhələdə erməni yalanlarına inanmamağa, Qarabağ bölgəsində irimiqyaslı bərpa-yenidənqurma layihələri həyata keçirmək məqsədilə çoxmilyardlı sərmayələr yatıran Azərbaycanın sülhsevər mövqeyini əməli şəkildə dəstəkləməyə və tərəflər arasında konstruktiv dialoqun təşkilinə yardım göstərməyə çağırıb.

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/niderland-azerbaycan-odlar-yurdu-cemiyyeti-beynelxalq-ictimaiyyete-muraciet-edib-3384

 

 

]]> Haaqa şəhərində “Əfsanəvi General” kitabı təqdim olunub https://gorevgazetesi.com/haaqa-s%c9%99h%c9%99rind%c9%99-%c9%99fsan%c9%99vi-general-kitabi-t%c9%99qdim-olunub-h44324.html Fri, 28 Apr 2023 16:37:13 +0000 https://1453kralmedya.com/haaqa-s%c9%99h%c9%99rind%c9%99-%c9%99fsan%c9%99vi-general-kitabi-t%c9%99qdim-olunub-h44324.html

 

 

 

Haaqa şəhərində “Əfsanəvi General” kitabı təqdim olunub
, 2023
Haaqa şəhərində “Əfsanəvi General” kitabı təqdim olunub

Niderlandın Haaqa şəhərində Azərbaycanın Milli Qəhrəmanı Polad Həşimova həsr olunmuş “Əfsanəvi General” kitabının təqdimat mərasimi keçirilib.

 

 

Diasporla iş üzrə Dövlət Komitəsinin və Azərbaycanın Niderlanddakı səfirliyinin dəstəyi, Niderland-Belçika Azərbaycanlıları Koordinasiya Şurasının və şuraya üzv olan “Ana Vətən” Avropa Azərbaycanlı Qadınlar Birliyinin təşkilatçılığı ilə baş tutan mərasimdə Azərbaycan diaspor təşkilatlarının rəhbərləri və fəalları, türk icmasının nümayəndələri iştirak ediblər.

Öncə Azərbaycanın müstəqilliyi və ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.

Tədbir iştirakçılarını salamlayan “Ana Vətən” Avropa Azərbaycanlı Qadınlar Birliyinin sədri Mayisə Ağamirzəyeva xalqımızın ürəyində xüsusi yer tutmuş azərbaycanlı general-mayora həsr olunmuş kitabın Niderlandda təqdimatının keçirilməsini əlamətdar və qürurverici hadisə adlandırıb.

Rotterdamda yaşayan müəllif Yasəmən Qara bu ideyanın yaranması səbəbindən və əsəri yazarkən keçirdiyi hisslərdən bəhs edib.

Tədbirdə Benilüks Azərbaycanlıları Konqresinin sədri Elsevər Məmmədov, müavini Sima Cəfərova, “Beynəlxalq Qadınlar Klubu”nun sədri Kəmalə Cəlilova, Azərbaycan-Niderland “Odlar Yurdu” Cəmiyyətinin üzvü Nemətağa Əliyev, Türk icmasının üzvləri Tahsin Çetinkaya, Remzi Kabadayı, Haluk Baştımar və Ümit Akbulut çıxış edərək, kitabın ərsəyə gəlməsi münasibətilə müəllifi təbrik edib, onun diaspor fəaliyyətini yüksək qiymətləndiriblər. Çıxış edənlər general Polad Həşimovla bağlı ürək sözlərini söyləyib, generalın xatirəsinin heç bir zaman unudulmayacağını vurğulayıb, Aprel, Tovuz döyüşləri və Vətən müharibəsi dövründə keçirdikləri həyəcanlı anları xatırladıblar.

 

 

 

General Polad Həşimovun anası Səmayə Həşimova internet bağlantısı vasitəsilə tədbirə qoşulub. Oğlu haqqında danışan ananın xaricdəki soydaşlarımıza verdiyi xeyir-duası və xoş arzuları tədbir iştirakçılarına duyğulu anlar yaşadıb. İnternet bağlantısı ilə tədbirə qoşulan şəhid Elman Əliyevin anası da müəllifi təbrik edib və igid oğullarımızı unutmayan soydaşlarımıza öz minnətdarlığını bildirib.

Bədii proqramla davam edən tədbirdə Azərbaycan Dövlət Akademik Opera və Balet Teatrının solisti Vüsalə Cabir, Cavid Səlimov (tar), Azərbaycanın əməkdar artisti Xəyyam Məmmədov (kamança), İlkin Əlizadə (piano) və Bəxtiyar Eybaliyev çıxış ediblər. Azərbaycan və Almaniyadan gələn sənətçilərin ifasında muğam parçaları və təsniflərimiz səsləndirilib.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/haaqa-seherinde-efsanevi-general-kitabi-teqdim-olunub-2848

 

 

]]> Haaqada 31 Mart soyqırımının qurbanları anılıb https://gorevgazetesi.com/haaqada-31-mart-soyqiriminin-qurbanlari-anilib-h42769.html Mon, 03 Apr 2023 10:20:43 +0000 https://1453kralmedya.com/haaqada-31-mart-soyqiriminin-qurbanlari-anilib-h42769.html

 

 

 

Haaqada 31 Mart soyqırımının qurbanları anılıb
, 2023
Haaqada 31 Mart soyqırımının qurbanları anılıb

Niderland Krallığının Haaqa şəhərində 31 mart – Azərbaycanlıların Soyqırımı Günü ilə əlaqədar anım tədbiri keçirilib.

Hollanda Azərbaycan-Türk Kültür Dərnəyinin təşkilatçılığı ilə baş tutan tədbirdə Niderlandda yaşayan Azərbaycan və türk icmalarının üzvləri, diaspor fəalları iştirak ediblər.

 

 

 

 

Öncə soyqırım qurbanlarının xatirəsi bir dəqiqəlik sükutla yad edilib.

Tədbiri giriş sözü ilə açan dərnək sədri İlhan Aşkın 105 il öncə Bakıda və ölkəmizin müxtəlif bölgələrində dinc azərbaycanlılara qarşı qəddarcasına törədilmiş qanlı kütləvi qırğın barədə ətraflı məlumat verib. Qeyd edib ki, bəşəri dəyərlərə zidd bu ağır cinayətlər etnik erməni Stepan Şaumyanın rəhbəri olduğu Bakı Sovetinin mandatı altında erməni və bolşevik silahlı dəstələri tərəfindən törədilib. Dərnək sədri qanlı hadisələrlə bağlı yaşlı nəsildən eşitdiyi qorxunc xatirələri də bölüşüb.

Tədbirdə çıxış edən “Ana Vətən” Avropa Azərbaycanlı Qadınlar Birliyinin sədri Mayisə Ağamirzəyeva, Azərbaycan-Niderland “Odlar Yurdu” Cəmiyyətinin sədri Frəngiz Bağırova və başqaları erməni-bolşevik faşistlərinin törətdikləri mart soyqırımını hiddətlə pisləyiblər.

Sonra soyqırıma həsr olunmuş sənədli film nümayiş etdirilib və soyqırımı qurbanlarının ruhlarına dualar oxunub.

FOTO QALEREYA

 

dostların arasında bunu ilk tövsiyyə edən sən ol
DIGƏR XƏBƏRLƏR

kaynak:http://diaspor.gov.az/az/news-detail/haaqada-31-mart-soyqiriminin-qurbanlari-anilib-2719

 

 

 

]]> Azərbaycan diasporunun qadın fəalları Haaqada 11 siyasi partiyanın xanım namizədləri ilə görüşüb https://gorevgazetesi.com/az%c9%99rbaycan-diasporunun-qadin-f%c9%99allari-haaqada-11-siyasi-partiyanin-xanim-namiz%c9%99dl%c9%99ri-il%c9%99-gorusub-h41230.html Thu, 23 Feb 2023 11:08:21 +0000 https://1453kralmedya.com/az%c9%99rbaycan-diasporunun-qadin-f%c9%99allari-haaqada-11-siyasi-partiyanin-xanim-namiz%c9%99dl%c9%99ri-il%c9%99-gorusub-h41230.html

 

 

 

 

Azərbaycan diasporunun qadın fəalları Haaqada 11 siyasi partiyanın xanım namizədləri ilə görüşüb
23 fevral, 2023
Azərbaycan diasporunun qadın fəalları Haaqada 11 siyasi partiyanın xanım namizədləri ilə görüşüb
Haaqa şəhərində fəaliyyət göstərən Hollanda Azərbaycan-Türk Kültür Dərnəyinin ofisində 15 mart 2023-cü ildə Niderlandda Əyalət və Su Resursları Şurasına keçiriləcək seçkilərdə iştirak edəcək 11 siyasi partiyanın qadın namizədləri ilə görüş keçirilib.

Görüş zamanı namizədlər Cənubi Niderland bölgəsinin inkişafı məqsədilə irəli sürdükləri seçkiqabağı proqram barədə məlumat veriblər və tədbir iştirakçılarının suallarını cavablandırıblar.

Tədbirin sonunda dərnəyin adından qadın namizədlərə “Xarıbülbül” yaxa nişanı hədiyyə edilib.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/azerbaycan-diasporunun-qadin-feallari-haaqada-11-siyasi-partiyanin-xanim-namizedleri-ile-gorusub-2430

 

 

]]> Dünya azərbaycanlıları Türkiyənin yanında olduğunu nümayiş etdirir https://gorevgazetesi.com/dunya-az%c9%99rbaycanlilari-turkiy%c9%99nin-yaninda-oldugunu-numayis-etdirir-h40828.html Tue, 14 Feb 2023 12:28:27 +0000 https://1453kralmedya.com/dunya-az%c9%99rbaycanlilari-turkiy%c9%99nin-yaninda-oldugunu-numayis-etdirir-h40828.html

 

 

 

Dünya azərbaycanlıları Türkiyənin yanında olduğunu nümayiş etdirir

, 2023
Dünya azərbaycanlıları Türkiyənin yanında olduğunu nümayiş etdirir
Türkiyənin cənub-şəqrində baş vermiş dəhşətli zəlzələ dünyanın bütün mütərəqqi qüvvələrini, o cümlədən dünya azərbaycanlılarını da səfərbər edib.

Türkiyə, Qazaxıstan, Qırğızıstan, Özbəkistan, ABŞ, Kanada, Böyük Britaniya, Avstraliya, Almaniya, İsveç, Macarıstan, Niderland, Polşa, Estoniya, Ukrayna, Gürcüstan, Yunanıstan, Rusiya, Pakistan, Birləşmiş Ərəb Əmirlikləri, Oman Sultanlığı və digər ölkələrdə fəaliyyət göstərən diaspor təşkilatlarının fəalları Türkiyənin diplomatik missiyaları vasitəsilə zəlzələ qurbanlarının ailələrinə başsağlığı verməklə yanaşı, həm mənəvi, həm də maddi cəhətdən qardaş ölkənin yanında olduqlarını nümayiş etdirirlər.

“Səninləyik, Türkiyə!” çağırışı ilə yardım kampaniyasına qoşulan soydaşlarımız Türkiyə səfirliklərinin və yardım fondlarının hesablarına pul köçürür, ərzaq, geyim, yataq dəstləri, tibbi ləvazimatlar və gigiyena vasitələrindən ibarət humanitar yardımları diplomatik missiyaların və türk icmalarının vasitəsilə zəlzələ bölgəsinə göndərirlər.

Dünya azərbaycanlıları əmindirlər ki, qüdrətli Türkiyə dövləti və xalqı bu dağıdıcı təbii fəlakətin fəsadlarını tezliklə aradan qaldıracaq.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/dunya-azerbaycanlilari-turkiyenin-yaninda-oldugunu-numayis-etdirir-2374

 

 

]]> Niderlanddakı icmamız Türkiyənin Haaqadakı səfirliyinə başsağlığı verib https://gorevgazetesi.com/niderlanddaki-icmamiz-turkiy%c9%99nin-haaqadaki-s%c9%99firliyin%c9%99-bassagligi-verib-h40659.html Thu, 09 Feb 2023 21:07:02 +0000 https://1453kralmedya.com/niderlanddaki-icmamiz-turkiy%c9%99nin-haaqadaki-s%c9%99firliyin%c9%99-bassagligi-verib-h40659.html

 

 

 

 

Niderlanddakı icmamız Türkiyənin Haaqadakı səfirliyinə başsağlığı verib
9 fevral, 2023
Niderlanddakı icmamız Türkiyənin Haaqadakı səfirliyinə başsağlığı verib
Niderlandda yaşayan Azərbaycan icmasının bir qrup fəalı Türkiyənin cənub-şərqində baş vermiş dəhşətli zəlzələ ilə əlaqədar qardaş ölkənin Haaqadakı səfirliyini ziyarət edib.

Ziyarət zamanı icma üzvləri 1979-cu il 12 oktyabrda “ASALA” erməni terror təşkilatı tərəfindən qətlə yetirilmiş Əhməd Benlerin (Niderlanddakı səfir Özdemir Benlerin oğlu) səfirliyin qarşısındakı memorial abidəsinin önünə çiçəklər və şamlar düzərək, zəlzələ qurbanlarının xatirəsini ehtiramla yad ediblər.

Türkiyənin Niderlanddakı səfiri Selcuk Ünala başsağlığı verən soydaşlarımız türk xalqının kədərli anlarını bölüşdüklərini, qardaş ölkənin yanında olduqlarını bildiriblər. “Ana Vətən” Avropa Azərbaycanlı Qadınlar Birliyinin rəhbəri Mayisə Ağamirzəyeva soydaşlarımız adından səfirlikdə açılmış başsağlığı kitabına hüzn sözlərini yazıb.

Səfir Selçuk Ünal icma üzvlərinə minnətdarlığını bildirib və qardaş ölkə Azərbaycanın dəstəyini daim hiss etdiklərini vurğulayıb.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

 

kaynak:http://diaspor.gov.az/az/news-detail/niderlanddaki-icmamiz-turkiyenin-haaqadaki-sefirliyine-bassagligi-verib-2355

 

 

 

]]> Diasporumuz Beynəlxalq Ədalət Məhkəməsinin önündə dinc aksiyası keçirib https://gorevgazetesi.com/diasporumuz-beyn%c9%99lxalq-%c9%99dal%c9%99t-m%c9%99hk%c9%99m%c9%99sinin-onund%c9%99-dinc-aksiyasi-kecirib-h40593.html Tue, 07 Feb 2023 16:56:07 +0000 https://1453kralmedya.com/diasporumuz-beyn%c9%99lxalq-%c9%99dal%c9%99t-m%c9%99hk%c9%99m%c9%99sinin-onund%c9%99-dinc-aksiyasi-kecirib-h40593.html

 

 

 

 

Diasporumuz Beynəlxalq Ədalət Məhkəməsinin önündə dinc aksiyası keçirib

, 2023
Diasporumuz Beynəlxalq Ədalət Məhkəməsinin önündə dinc aksiyası keçirib
Niderlandın Haaqa şəhərində yerləşən Beynəlxalq Ədalət Məhkəməsində Azərbaycanın Ermənistana qarşı hüquqi təqib təşəbbüsləri üzrə ictimai dinləmələr keçirilib.

Coan Donoqyunun hakimliyi ilə iki gün davam edən dinləmələr zamanı Niderland Krallığındakı Azərbaycan diaspor təşkilatlarının təmsilçiləri ölkəmizin haqlı mövqeyini dəstəkləmək üçün Haaqa Ədalət Sarayının qarşısına toplaşıblar.

Diaspor fəalları “Harada yaşamağımızdan asılı olmayaraq, biz həmişə Azərbaycan dövlətinin yanındayıq!”, Biz çoxsaylı hərbi cinayətlərə görə məsuliyyət daşıyan Ermənistan silahlı qüvvələrinin qanun qarşısında məsuliyyətə cəlb olunmasını tələb edirik!”, “Erməni separatçılarının qeyri-qanuni fəaliyyətini dayandırın!”, “Azərbaycan ərazilərində törədilən ekoloji terroru dayandırın!”, “Ermənistanın ekoterroruna son qoyulsun!”, “Azərbaycanlı ekoloqlara yol verin!”, “Ermənistan, hücumları dayandır!”, “Ermənistan tərəfindən Azərbaycanın təbii sərvətlərinin talanmasına son qoyulsun!”, “Azərbaycanın təbii sərvətləri Azərbaycana məxsusdur!” şüarlarının əks olunduğu plakatları nümayiş etdiriblər.

Diqqəti erməni təcavüzünə yönəldən diaspor fəalları hakimləri ədalətli olmağa dəvət edib, eyni zamanda Laçın-Xankəndi yolunda Azərbaycanın təbii sərvətlərinin erməni separatçıları və Ermənistan tərəfindən qeyri-qanuni istismar olunmasına etiraz məqsədilə fasiləsiz dinc aksiya keçirən azərbaycanlı ekofəallarla həmrəy olduqlarını göstəriblər.

Dinlmələrdən sonra məhkəmədə Azərbaycanı təmsil edən nümayəndə heyətinin rəhbəri diaspor fəallarımızla görüşüb və onlara təşəkkürünü bildirib.

 

FOTO QALEREYA

 

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/diasporumuz-beynelxalq-edalet-mehkemesinin-onunde-dinc-aksiyasi-kecirib-2323

 

 

]]> Niderlandın İsrail üzrə Məlumat və Sənədləşdirmə Mərkəzinin direktoru Dövlət Komitəsində olub https://gorevgazetesi.com/niderlandin-israil-uzr%c9%99-m%c9%99lumat-v%c9%99-s%c9%99n%c9%99dl%c9%99sdirm%c9%99-m%c9%99rk%c9%99zinin-direktoru-dovl%c9%99t-komit%c9%99sind%c9%99-olub-h40428.html Fri, 03 Feb 2023 08:07:45 +0000 https://1453kralmedya.com/niderlandin-israil-uzr%c9%99-m%c9%99lumat-v%c9%99-s%c9%99n%c9%99dl%c9%99sdirm%c9%99-m%c9%99rk%c9%99zinin-direktoru-dovl%c9%99t-komit%c9%99sind%c9%99-olub-h40428.html

 

 

 

Niderlandın İsrail üzrə Məlumat və Sənədləşdirmə Mərkəzinin direktoru Dövlət Komitəsində olub
, 2023

Niderlandın İsrail üzrə Məlumat və Sənədləşdirmə Mərkəzinin direktoru Dövlət Komitəsində olub

Diasporla İş üzrə Dövlət Komitəsində Niderlandın İsrail üzrə Məlumat və Sənədləşdirmə Mərkəzinin (CIDI) direktoru Hanna Ludenlə görüş keçirilib.

Görüşdə dövlətimizin diaspor siyasəti, həyata keçirilən layihələr, dünyadakı yəhudi icması ilə əməkdaşlıq əlaqələri, Azərbaycanda mövcud olan multikulturalizm və tolerantlıq dəyərləri, yəhudi icmasının və sinaqoqların ölkəmizdə təhlükəsiz şəkildə fəaliyyət göstərməsi barədə məlumat verilib.

Hanna Luden rəhbərlik etdiyi mərkəzin fəaliyyəti barədə ətraflı məlumat verib.

Sonra Azərbaycan və İsrail həqiqətlərinin Niderland ictimaiyyətinə çatdırılması istiqamətində əməkdaşlıq perspektivləri müzakirə edilib.

Görüşdə Niderlandda yaşayan diaspor fəalı Səltənət Rəvanqızı da iştirak edib.

Qeyd edək ki, İsraildə dünyaya gələn Hanna Luden 30 ildən artıqdır Niderlandda yaşayır, mərkəz direktoru olmaqla yanaşı, yerli və xarici mediada tez-tez məqalələrlə çıxış edir.

Niderlandda nüfuzlu təşkilat kimi tanınan CIDI 1974-cü ildə yaradılıb. Mərkəzin məqsədi yəhudi xalqının (dünyanın istənilən yerində) təhlükəsiz yaşamaq hüququnu müdafiə etmək, antisemitizmlə mübarizə aparmaq və İsrail haqqında dürüst məlumatların yayılmasına nail olmaqdır.

dostların arasında bunu ilk tövsiyyə edən sən ol

DIGƏR XƏBƏRLƏR

Kaynak:http://diaspor.gov.az/az/news-detail/niderlandin-israil-uzre-melumat-ve-senedlesdirme-merkezinin-direktoru-dovlet-komitesinde-olub-2318

 

 

 

]]> Azərbaycan icması Niderland parlamentinin Nümayəndələr Palatasının sədrinə müraciət edib https://gorevgazetesi.com/az%c9%99rbaycan-icmasi-niderland-parlamentinin-numay%c9%99nd%c9%99l%c9%99r-palatasinin-s%c9%99drin%c9%99-muraci%c9%99t-edib-h39618.html Thu, 12 Jan 2023 19:37:33 +0000 https://1453kralmedya.com/az%c9%99rbaycan-icmasi-niderland-parlamentinin-numay%c9%99nd%c9%99l%c9%99r-palatasinin-s%c9%99drin%c9%99-muraci%c9%99t-edib-h39618.html

 

 

 

Azərbaycan icması Niderland parlamentinin Nümayəndələr Palatasının sədrinə müraciət edib

12 yanvar, 2023

Azərbaycan icması Niderland parlamentinin Nümayəndələr Palatasının sədrinə müraciət edib

Niderlandda fəaliyyət göstərən Azərbaycan icması ölkə parlamentinin Nümayəndələr (Aşağı) Palatasına müraciət edib.

“Ana Vətən” Avropa Azərbaycanlı Qadınlar Birliyinin adından Niderland parlamentinin Nümayəndələr Palatasının sədri Vera Berqkampa ünvanlanan məktubda bu ölkədə yaşayan 15 minlik azərbaycanlı icmasının Azərbaycan və Ermənistan arasında vəziyyətin gərginləşməsi və aşağı palatanın bu məsələdə nümayiş etdirdiyi birtərəfli, qərəzli mövqeyi ilə əlaqədar narahatlığı diqqətə çatdırılıb. Soydaşlarımız aşağı palatanı Azərbaycana münasibətdə qərəzsiz, ədalətli və balanslı mövqe tutmağa, hadisələri obyektiv qiymətləndiirməyə dəvət ediblər.

“Niderland vətəndaşı olaraq, eyni zamanda qohumlarımızın və dostlarımızın yaşadığı tarixi vətənimizdə baş verənlərə candan yanaraq, sizi və deputat həmkarlarınızı oradakı hadisələri obyektiv qiymətləndirməyə və Cənubi Qafqaz regionunda qarşıdurmanın dərinləşdirilməsinə deyil, sülhə yönələn balanslı mövqe tutmağa çağırırıq. Biz narahatıq ki, aşağı palata Ermənistanın beynəlxalq humanitar hüququn müddəalarını sistemli və mütəmadi şəkildə pozmasına heç bir reaksiya vermir. Ermənistanın Baş nazirinin müharibənin dayandırılmasına dair 2020-ci il 10 noyabr tarixli Bəyanatı imzalamasına baxmayaraq, rəsmi İrəvan Azərbaycan ərazilərinin minalanması siyasətini davam etdirir. 2022-ci ilin avqust ayında Azərbaycanın işğaldan azad edilmiş ərazilərində 2021-ci ildə istehsal olunmuş 2728 piyada əleyhinə mina aşkar edilib. Başqa sözlə, sizin parlamentiniz Ermənistana dəstək verən qətnamələr qəbul edərkən bu ölkə 268 nəfərin, o cümlədən 9 uşaq, bir qadın, 3 jurnalistin ölümünə bais olan cinayətkar minalaşdırma siyasətini davam etdirib”, – deyə niderlandlı deputatlarının yolverilməz davranışının Ermənistanın qanlı cinayətləri davam etdirməsi ilə nəticələndiyinə diqqət cəlb olunub.

Nəzərə çatdırılıb ki, 2020-ci ilin payız müharibəsi başa çatdıqdan sonra 28 illik erməni işğalından azad edilən ərazilərin yalnız 8 faizi minalardan təmizlənib, 750 min azərbaycanlı qaçqın və köçkün hələ də Qarabağdakı yaşayış yerlərinə qayıda bilmir. “Bu, bütün cəmiyyət üçün ciddi iqtisadi, sosial və humanitar problemdir. Axı bu insanların arasında bizim qohumlarımız da var. Məgər onlar insan haqlarına malik deyillər, yoxsa insan haqları yalnız erməni xalqının inhisarındadır?” – deyə spikerə haqlı sual ünvanlanıb.

Qeyd edilib ki, aşağı palata indiyədək Ermənistanın beynəlxalq humanitar hüququ pozmasına, yalnız humanitar məqsədlər üçün açıq olan Laçın dəhlizi vasitəsilə Ermənistanın Azərbaycanın Qarabağ bölgəsinə qanunsuz silahlı birləşmələri və silahları ötürməyi davam etdirməsinə reaksiya verməyib. Halbuki 1991-1994-cü illərdə baş verən Birinci Qarabağ müharibəsi zamanı 4000-ə yaxın azərbaycanlı itkin düşüb, bu yaxınlarda isə mətbuatda iranlı hərbi mütəxəssislərin Qarabağa qeyri-qanuni olaraq göndərilməsi ilə bağlı məlumatlar yayılıb.

“İşğaldan azad edilmiş ərazilərimizdə soydaşlarımızın meyitlərinin olduğu kütləvi məzarlıqların aşkar edilməsinin görüntülərini dəhşət və ağrı ilə izləyirik. Niyə itkin düşmüş şəxslərlə bağlı bütün məlumatların, o cümlədən kütləvi məzarlıqların xəritəsinin Azərbaycana ötürülməsi, qohumlarımızın, dostlarımızın adət-ənənələrimizə uyğun şəkildə dəfn edilməsi üçün parlamentiniz Ermənistana təzyiq etmir?”, – deyə soydaşlarımız spikerdən cavab tələb ediblər.

Niderlandlı deputatların Ermənistanın 10 noyabr 2020-ci il tarixli Bəyanatın müddəalarını pozaraq Azərbaycanın qərb rayonları ilə onun Naxçıvan bölgəsi arasında nəqliyyat marşrutlarının açılmasına mane olmasına göz yumduğu vurğulanıb: “30 ilə yaxındır ki, Naxçıvan Muxtar Respublikası və onun 300 min əhalisi yerüstü blokadadadır, onunla əlaqə ancaq hava nəqliyyatı vasitəsilə mümkündür”.

Soydaşlarımız niderlandlı deputatları Laçın rayonundakı vəziyyətlə bağlı qeyri-obyektiv, son dərəcə qərəzli mövqe tutmaqda ittiham ediblər: “Siz obyektiv mənzərəni aydınlaşdırmadan, yalnız erməni nöqteyi-nəzərini əsas götürərək Azərbaycanı ittiham etdiniz. Axı yalnız erməni nöqteyi-nəzərinin əsas götürülməsi Cənubi Qafqaz regionunda vəziyyətin normallaşmasına, Qarabağ erməniləri və azərbaycanlıları arasında barışın əldə olunmasına töhfə verməyəcək”.

Soydaşlarımız Nümayəndələr Palatasının spikerini məktubda qeyd olunan mühüm məsələlərin müzakirə edilməsi və Azərbaycan icmasının narahatlığının aradan qaldırılması məqsədilə Azərbaycan diaspor təşkilatlarından ibarət nümayəndə heyətini qəbul etməyə çağırıb.

 

dostların arasında bunu ilk tövsiyyə edən sən ol

 

kaynak:http://diaspor.gov.az/az/news-detail/azerbaycan-icmasi-niderland-parlamentinin-numayendeler-palatasinin-sedrine-muraciet-edib-2182

 

 

]]>