İqtisadi – Görev Gazetesi https://gorevgazetesi.com Wed, 11 Oct 2023 05:24:28 +0000 tr hourly 1 https://gorevgazetesi.com/wp-content/uploads/2025/03/cropped-gorev-gazetesi-32x32.webp İqtisadi – Görev Gazetesi https://gorevgazetesi.com 32 32 İqtisadi Əməkdaşlıq Təşkilatının Xarici İşlər Nazirləri Şurasının Şuşa şəhərində keçirilən 27-ci iclasının yekunlarına dair mətbuat məlumatı https://gorevgazetesi.com/iqtisadi-%c9%99m%c9%99kdasliq-t%c9%99skilatinin-xarici-isl%c9%99r-nazirl%c9%99ri-surasinin-susa-s%c9%99h%c9%99rind%c9%99-keciril%c9%99n-27-ci-iclasinin-yekunlarina-dair-m%c9%99tbuat-m%c9%99lumati-h50319.html Wed, 11 Oct 2023 05:24:28 +0000 https://1453kralmedya.com/iqtisadi-%c9%99m%c9%99kdasliq-t%c9%99skilatinin-xarici-isl%c9%99r-nazirl%c9%99ri-surasinin-susa-s%c9%99h%c9%99rind%c9%99-keciril%c9%99n-27-ci-iclasinin-yekunlarina-dair-m%c9%99tbuat-m%c9%99lumati-h50319.html

 

 

 

 

 

 

No:579/23, İqtisadi Əməkdaşlıq Təşkilatının Xarici İşlər Nazirləri Şurasının Şuşa şəhərində keçirilən 27-ci iclasının yekunlarına dair mətbuat məlumatı

 

 

10 oktyabr 2023-cü il tarixində Azərbaycan Respublikasının İqtisadi Əməkdaşlıq Təşkilatına (İƏT) sədrliyi çərçivəsində Şuşa şəhərində Xarici İşlər Nazirləri Şurasının 27-ci iclası keçirilib.

 

İclas Azərbaycan Respublikasının xarici işlər naziri Ceyhun Bayramov tərəfindən Azərbaycan Respublikasının Prezidenti cənab İlham Əliyevin iclas iştirakçılarına müraciətinin oxunması ilə öz işinə başlayıb.

 

 

 

Ölkə başçısının müraciətində post-münaqişə dövründə bölgədə yaranmış əməkdaşlıq perspektivləri öz əksini tapıb. Müraciətdə, həmçinin ölkəmizin təşəbbüsü ilə İƏT-in illik mövzusunun “Yaşıl Keçid və Qarşılıqlı Əlaqəlilik” olaraq müəyyən edildiyi, habelə Azərbaycanın milli, o cümlədən beynəlxalq səviyyədə bu istiqamətdə ardıcıl addımlar atdığı diqqətə çatdırılıb. Bu çərçivədə, işğaldan azad olunmuş ərazilərdə yaşıl enerji zonasının yaradılmasının qeyd olunan istiqamətlərdə görülən işlərin təcəssümü olduğu vurğulanıb.

 

 

 

İƏT-in sədri qismində açılış nitqində nazir Ceyhun Bayramov, “Yaşıl Keçid və Qarşılıqlı Əlaqəlilik” mövzusuna əsaslanan sədrliyimiz dövründə tərəfimizdən irəli sürülən təşəbbüslərə göstərilən dəstək və aktiv iştirakçılığa görə təşəkkürünü ifadə edib. “İƏT Baxışı – 2025” sənədində də əks olunmuş regional bağlantıların inkişafı, iqtisadi transformasiya, yaşıl enerji kimi prioritetlərin bundan sonra da irəlilədəcəyinə dair inamını ifadə edib.

 

 

 

Daha sonra milli səviyyədə çıxış edən nazir Ceyhun Bayramov, İƏT-ə sədrliyimiz dövründə Təşkilatın digər regional və beynəlxalq platformalarla əməkdaşlığının gücləndirilməsi istiqamətində həyata keçirilən təşəbbüsləri məmnunluqla qeyd edib. Bundan sonra da müxtəlif sahələr üzrə əməkdaşlığın gücləndirilməsində maraqlı olduğumuz, bu xüsusda Təşkilatın 2 ixtisaslaşdırılmış qurumu İƏT Enerji Mərkəzi və İƏT Tədqiqat Mərkəzinə ev sahibliyi etməyimizin müvafiq sahələr üzrə əməkdaşlığa verdiyimiz töhfənin göstəricisi olduğu bildirilib.

 

 

 

Bölgədə mövcud vəziyyət və post-münaqişə dövrünün reallıqları barədə iştirakçılara məlumat verən nazir Ceyhun Bayramov, ölkəmizin hər zaman regional sülh və təhlükəsizliyə hədə törədən qeyri-qanuni erməni silahlı qüvvələrinin bölgədə mövcudluğuna beynəlxalq diqqəti çəkmək üçün səy göstərdiyini qeyd edib. Bölgədə sülh və reinteqrasiya proseslərini təhdid edən qanunsuz erməni silahlı qüvvələrinin təxribatlarına, mina təhdidini davam etdirməsinə və mövcudluğuna son qoyan lokal anti-terror tədbirlərindən bəhs edən nazir Ceyhun Bayramov, bu tədbirlərin nəticəsində xüsusilə Qarabağ bölgəsində yaşayan erməni sakinlərin reinteqrasiyası prosesinin intensivləşdiyini diqqətə çatdırıb. Hazırda yerli erməni sakinlərin iqtisadi, sosial, humanitar ehtiyaclarının qarşılanması istiqamətində işçi qrupunun yaradılmasının, aidiyyəti üzrə tədbirlərin görülməsinin və Azərbaycan Hökumətinin nümayəndəsi ilə həmin sakinlərin nümayəndələri arasında dualoqun davam etdirilməsinin bölgədə guya “etnik təmizləmə” aparılması ilə bağlı iddiaların əssassız olduğunu bir daha sübut etdiyi vurğulanıb. Bu xüsusda, Azərbaycanın bölgədə sülh və reinteqrasiya üçün yaranmış tarixi fürsətin əldən verilməməsi, Azərbaycan və Ermənistan arasında normallaşma gündəliyi, habelə ərazilərimizdə yaşayan erməni sakinlərin reinteqrasiyası prosesinin irəlilədilməsində qərarlı olduğu diqqətə çatdırılıb.

 

 

 

Daha sonra iclas üzv və müşahidəçi ölkələrin, beynəlxalq tərəfdaşlar və İƏT-in ixtisaslaşmış qurumlarının nümayəndələrinin bəyanatları, İƏT çərçivəsində regional əməkdaşlığın gələcək inkişafı ilə bağlı təşəbbüs və təkliflər, habelə iclasın gündəliyində duran digər məsələlərin müzakirəsi ilə davam edib.

 

 

 

İclas zamanı, həmçinin özündə Azərbaycan Respublikasının Şərqi Zəngəzur iqtisadi rayonu və Naxçıvan Muxtar Respublikası arasında nəqliyyat və kommunikasiyaların açılması istiqamətində görülən işlər, xüsusilə bu istiqamətdə Azərbaycan və İran arasında yeni dəmiryolunun inşasını nəzərdə tutan 6 oktyabr 2023-cü il tarixli niyyət protokolu və keçirilən təməlqoyma mərasimi barədə məlumatın da əks olunduğu İƏT bölgəsində Yaşıl Keçid və Qarşılıqlı Əlaqəlilik üzrə Şuşa Bəyannaməsi qəbul olunub.

 

 

 

 

Sonda iclasın yekunlarına dair gələcək regional əməkdaşlığın gələcək addımlarını müəyyən edən bəyanat qəbul olunub, habelə Azərbaycanda təsis olunmasına qərar verilən İƏT-in Təmiz Enerji Mərkəzinin Nizamnaməsi Türkiyə tərəfindən imzalanıb.

 

 

 

Daha sonra Azərbaycan Respublikasının xarici işlər naziri Ceyhun Bayramov və İƏT baş katibi Xusrav Noziri iclasın yekunları ilə bağlı mətbuata bəyanatlarla çıxış ediblər.

 

 

 

 

Mətbuat konfransında çıxış edən nazir Ceyhun Bayramov, İƏT-ə sədrliyimizin ən önəmli tədbiri olan Nazirlər Şurasının 27-ci iclasının Azərbaycanın tarixi şəhəri, o cümlədən İƏT-in Turizm Paytaxtı Şuşada keçirilməsinin simvolik əhəmiyyət daşıdığını qeyd edib. İclas çərçivəsində qəbul olunmuş Şuşa Bəyannaməsinin İƏT çərçivəsində əməkdaşlığın inkişafına töhfə verəcəyinə dair inam ifadə olunub.

 

 

 

 

Paylaş

 

BÜTÜN XƏBƏRLƏR

 

kaynak:https://mfa.gov.az/az/news/no57923

 

 

 

]]> İqtisadi Əməkdaşlıq Təşkilatının yüksək səviyyəli rəsmilərinin iclasına dair mətbuat məlumatı https://gorevgazetesi.com/iqtisadi-%c9%99m%c9%99kdasliq-t%c9%99skilatinin-yuks%c9%99k-s%c9%99viyy%c9%99li-r%c9%99smil%c9%99rinin-iclasina-dair-m%c9%99tbuat-m%c9%99lumati-h50285.html Tue, 10 Oct 2023 12:50:19 +0000 https://1453kralmedya.com/iqtisadi-%c9%99m%c9%99kdasliq-t%c9%99skilatinin-yuks%c9%99k-s%c9%99viyy%c9%99li-r%c9%99smil%c9%99rinin-iclasina-dair-m%c9%99tbuat-m%c9%99lumati-h50285.html

 

 

 

 

No:575/23, İqtisadi Əməkdaşlıq Təşkilatının yüksək səviyyəli rəsmilərinin iclasına dair mətbuat məlumatı

 

 

 

 

9 oktyabr 2023-cü il tarixində, Azərbaycan Respublikasının sədrliyi altında İqtisadi Əməkdaşlıq Təşkilatının (İƏT) üzv dövlətlərinin yüksək səviyyəli rəsmilərinin görüşü keçirilib.

 

 

 

 

Görüş Azərbaycan Respublikasının xarici işlər nazirinin müavini Yalçın Rəfiyevin sədrliyi altında baş tutub.

 

 

 

Görüş zamanı, 10 oktyabr 2023-cü il tarixində Şuşa şəhərində keçiriləcək İƏT-in xarici işlər nazirləri şurasının 27-ci iclasına hazırlıq və təşkilatçılıq məsələləri, habelə tədbirin gündəliyində duran sənədlər müzakirə olunub.

 

Paylaş

BÜTÜN XƏBƏRLƏR

 

kaynak:https://mfa.gov.az/az/news/no57523

 

 

 

 

]]> İqtisadi Əməkdaşlıq Təşkilatına üzv dövlətlərin turizm nazirlərinin 5-ci iclası çərçivəsində Şuşa şəhərinin İqtisadi Əməkdaşlıq Təşkilatının 2026-ci il üçün turizm paytaxtı seçilməsi barədə mətbuat məlumatı https://gorevgazetesi.com/iqtisadi-%c9%99m%c9%99kdasliq-t%c9%99skilatina-uzv-dovl%c9%99tl%c9%99rin-turizm-nazirl%c9%99rinin-5-ci-iclasi-c%c9%99rciv%c9%99sind%c9%99-susa-s%c9%99h%c9%99rinin-iqtisadi-%c9%99m%c9%99kdasliq-t%c9%99-h50176.html Fri, 06 Oct 2023 08:12:54 +0000 https://1453kralmedya.com/iqtisadi-%c9%99m%c9%99kdasliq-t%c9%99skilatina-uzv-dovl%c9%99tl%c9%99rin-turizm-nazirl%c9%99rinin-5-ci-iclasi-c%c9%99rciv%c9%99sind%c9%99-susa-s%c9%99h%c9%99rinin-iqtisadi-%c9%99m%c9%99kdasliq-t%c9%99-h50176.html

 

 

 

 

No:567/23, İqtisadi Əməkdaşlıq Təşkilatına üzv dövlətlərin turizm nazirlərinin 5-ci iclası çərçivəsində Şuşa şəhərinin İqtisadi Əməkdaşlıq Təşkilatının 2026-ci il üçün turizm paytaxtı seçilməsi barədə mətbuat məlumatı

 

 

 

2023-cü ildə İqtisadi Əməkdaşlıq Təşkilatında Azərbaycan Respublikasının sədrliyi çərçivəsində 4-5 oktyabr 2023-cü il tarixində İran İslam Respublikasının Ərdəbil şəhərində İqtisadi Əməkdaşlıq Təşkilatına üzv dövlətlərin yüksək səviyyəli turizm ekspertlərinin 7-ci görüşü və turizm nazirlərinin 5-ci iclası keçirilib.

 

 

 

Qeyd edilən iclaslarda Azərbaycan Respublikasını Dövlət Turizm Agentliyinin nümayəndə heyəti təmsil edib.

 

 

 

 

Tədbir çərçivəsində üzv dövlətlər arasında turizm sahəsi üzrə mövcud əməkdaşlıq perspektivlərinə dair geniş müzakirə aparılıb, müvafiq sahə üzrə qarşılıqlı əlaqələrin daha da gücləndirilməsi istiqamətində görüləcək tədbirlər nəzərdən keçirilib.

 

İclasda səsvermə nəticəsində Şuşa şəhəri İqtisadi Əməkdaşlıq Təşkilatının 2026-ci il üçün turizm paytaxtı seçilib.

 

Sonda İƏT-in bu qərarı Ərdəbil Bəyannaməsində əks olunub.

Paylaş

BÜTÜN XƏBƏRLƏR

 

kaynak:https://mfa.gov.az/az/news/no56723

 

 

 

 

]]> Diaspor fəalı BMT-nin Avropa İqtisadi Komissiyasının diqqətini müasir çağırışlara yönəldib https://gorevgazetesi.com/diaspor-f%c9%99ali-bmt-nin-avropa-iqtisadi-komissiyasinin-diqq%c9%99tini-muasir-cagirislara-yon%c9%99ldib-h44322.html Fri, 28 Apr 2023 15:13:47 +0000 https://1453kralmedya.com/diaspor-f%c9%99ali-bmt-nin-avropa-iqtisadi-komissiyasinin-diqq%c9%99tini-muasir-cagirislara-yon%c9%99ldib-h44322.html

 

 

 

Diaspor fəalı BMT-nin Avropa İqtisadi Komissiyasının diqqətini müasir çağırışlara yönəldib
, 2023
Diaspor fəalı BMT-nin Avropa İqtisadi Komissiyasının diqqətini müasir çağırışlara yönəldib

BMT-nin Avropa İqtisadi Komissiyasının (UNECE) Cenevrədə keçirilmiş növbəti toplantısında Azərbaycan icmasının üzvü, İsveçrə Federal Politexnik İnstitutunun elmi nümayəndəsi və Cenevrə Universitetinin elmlər doktoru Tural Əliyev də çıxış edib.

UNECE-nin, Cenevrə Kantonu və Universitetinin birgə təşkil etdiyi görüşdə komissiyanın icraçı katibi, üzv-dövlətlərin nazirləri, Cenevrə Kantonu və Universitetinin rəhbərliyi iştirak edib.

 

 

 

 

Tural Əliyev yaşıl transformasiya və gənc nəslin gözləntilərindən bəhs edib. Rəqəmsal yeniliklər, iqlim dəyişiklikləri, əhali artımı və urbanizasıya ilə yanaşı, Cənubi Qafqazda və dünyanın digər yerlərində baş verən münaqişələrə, qaçqın və koçkünlər probleminə, işğal faktoruna diqqəti cəlb edib. Bu problemlərin gənc nəsil üçün əsas çağırışlardan biri olduğunu vurğulayıb. Soydaşımız UNECE-nin öz siyasətində və hazırladığı yeni standartlarda bu məsələlərin nəzərə alınmasını və daha böyük çeviklik göstərməsini təklifini irəli sürüb.

Xatırladaq ki, UNECE 28 mart 1947-ci ildə yaradılıb. BMT-nin beş regional iqtisadi komissiyasından biri olan UNECE-nin qərargahı Cenevrədə yerləşir.

FOTO QALEREYA

 

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/diaspor-feali-bmt-nin-avropa-iqtisadi-komissiyasinin-diqqetini-muasir-cagirislara-yoneldib-2846

 

 

]]>